دده قور قورد ناغیل لاری
دیرسه خان اوغلو بوغاج خان
قام خان اوغلو « بایندر خان » دستور ویرمیشدی اوچ اوطاق تیکمیشدیلر . بیری آق اوطاقیدی ، بیری قیزیل اوطاقیدی ، بیری قارا اوطاقیدی . اوغلو اولانی آق اوطاقا گونده ریب ، قیز اولانی قیزیل اوطاقا ، اولادی اولمیانی قارا اوطاقا . اوزیده دئییردی : اولادی اولمییانی آللاه قارغایبدیر ، بیزده گره ک اونو قارغاییره ک . بیر گون « دیرسه خان » قیرخ ایگیدیله باهم « بایندر خان » ا ، قوناق اولوب چون اولادی یوخدور اونو قارا اوطاقا گونده ریبلر « دیرسه خان » چوخ ناراحات اولوب اؤز اؤلکه سینه ساری دونوب موضونو قادینینه سویله ییب . قادینی اونا دئییب نئچه ده وه ، نئچه قویون ، نئچه اوکوز ، که س پایلا ! یلکه آللاه بیزیم بختیمیزی آچسین . « دیرسه خان » بو ایش له ری گوروب خاتون حامله اولوب بیر اوغلو اولوب . اوغلان بیر گون اوچ اوشاقیلا باهم اویناییردی بیر بوغا کی سرای دان قاچمیشدی بونلارا جمله گه تیردی یولداشلاری اوچوده قاچدی آمما دیرسه خانین اوغلو دایاندی اوکوزون باشیندان بیر یومروق ووروب اوکوزون باشی شوشه قاب تکین تیکه تیکه اولدو پیچاقین چه کیب باشین که سدی بو سوزی اوغوز بگ له ری ائشیدیب دده قورقورد گه لیب شادلیق چالیب ، اونا آد قویوب ، اونون آدی « بوغاج خان » اولدو . دیرسه خان اوغلونا بگ لیق وئردی . دیرسه خانین قیرخ ایگیدی حسد ائدیبلر اودور کی بولوشوبلر ایگرمی نفری گئدیب دیرسه خانا « بوغاج خان » ی پیس له ییب ها بئله او بیریسی ایگرمی نفر گه لیبلر « بوغاج خان » ی دیرسه خانا پیس له ییبلر . بیر گون چوله چیخیبلر دیرسه خانین آداملاری اونا دئدیلر « بوغاج » سنی اولدوره جک اودورکی دیرسه خان اوز اوغلونا بیر اوخ ووردی « بوغاج » چولده قالیب ائوه چونوبلر و آمما « بوغاج » یارالی کن یئره یئخیلدی حضرت خضر (ع) گه لدی اونون یاراسین یاغلادی هر سوزو اونا دئدی « بوغاج » ی آناسی چولده ن گه تیریب حضرت خضر (ع) دئدیگلرین یئرینه یئتیریب اوغلان قیرخ گونده ن سونرا توخدادی آمما دیرسه خانین آداملاری دیرسه خانی نقشه ایله توتوب قوللارینی باغلاییب دوستاقا سالدیلار دیرسه خا ین خاتونو گه لیب اوغلو « بوغاج » ی بو موضودان خبردار ایله ییب « بوغاج » گئدیب اونلارین قیرخین ده اولدورب آتاسین قورتاریب دده قورقورد گه لیب شادلیق چالیب بونو یازیب .